2003/04/30

五一

原定五一前將網頁完成. 做了一半,決定暫時放棄! 開始時,想要將所有放上去讓朋友懷愐一返! 只可惜,越做就越不對路.!越做就越不上心! 這一好刻像迷失了方向! 求求上天給我一個指引!

由 Mr.MoliuBing 發佈 @ 2:45 下午 1 則留言

2003/04/29

~天秤~

今日和朋友仔H食飯! 朋友仔H原本做飲食! 前年知道前景唔好! 走左去做地盤測量,又比佢撈得掂! 佩服!! 飯後我問左佢一個有關天秤既問題! 呢個問題今日我同我老闆研究左好耐! 我地望住個地盤討論左半個鐘!因為食飽飯冇野做! 點解天秤可以將座樓越起越高, 而天秤本身又唔洗拆除呢?而個天秤又係點安裝呢? 佢用左足足一個時辰,而且費盡心機去解釋,我先至有少少概念! 好感謝朋友仔H,你真係好有耐性!

由 Mr.MoliuBing 發佈 @ 2:45 下午 0 則留言

2003/04/28

我愛史艷文!

我係你忠實"fan屎" 我愛你愛到發哂狂! 你係風雲人物, 你既風流倜儻! 深深咁影響我既日常生活! 你絕對令我又愛又恨! 你知唔知我為左你日夜?倒! 我愛你每集都給我驚喜,你念詩既時候真係好charming!! 我恨你每次重做都要等到三點幾先有得睇! 點解你做左乞都一樣咁鬼風流,咁有型呀? 點解冷心心,風雲女,朱彩鳳個個都對你咁痴心? 點解你成日都比人打都唔會死呀? 點解你咁靚仔,生個史精忠出黎會咁樣衰? 我很想和你杯酒當歌. 約埋真假先,小金剛,三缺浪人,無我先生, 風雨斷腸人....等等好友一起吟詩劈酒! 想到這?,又被阿豬吵醒了我! 身邊只遺下一堆你的錄影帶! 回憶迷惘殺戮多，往事情仇待如何， 絹寫黑詩無限恨，夙興夜寐枉徒勞。

由 Mr.MoliuBing 發佈 @ 2:44 下午 0 則留言

2003/04/27

~何...車...!!~

某日和朋友仔 C 去飲茶! 除左飲飲食食之外, 我仲問左一0的有關粵曲既問題! 朋友仔 C 係大學畢業生! 原本佢可以做份社工, 穩代皮幾野一個月! 但係愛唱粵曲既佢. 走左去做粵曲社既"士搭符"啦! 令人費解! 我好奇地問:"點解曲譜上面,除左歌詞之外,仲有"合士乙上"等等怪字,係咩黎架?" 經過佢細心同我解釋,我就完全明白! 原來同琴譜既音符一樣! 好似DO,RE,ME咁囉! <讀音>:河士易散車公泛料污 <音階>:合士乙上尺工反六五 5 6 7 1 2 3 4 5 6 ' ' ' 自己做左成三年, 聽過咁多奪命凡音, 但係都唔知係咩! 真羞家! 在此祝你早日康復, 可以做返場武打戲益下街坊! 等你呀!

由 Mr.MoliuBing 發佈 @ 2:43 下午 0 則留言

2003/04/26

"一生何求"

我媽媽很喜歡這首歌! 當我放工回家一開門, 她必定一邊玩接龍,一邊在聽這首歌的MP3! 我想她真的聽了好幾百遍! 有一次,我真的聽得很不耐煩, 便問:"呢首歌真係咁好聽?洗唔洗日日聽,晚晚聽呀?" 她怒道:"呢首歌既詞填得好好!你唔鐘意因為你唔明!" 我當時"嘩"了一聲,卻沒有再阻止她! 我曾經有一種衝動,想這將這首歌拋到"資源回收筒" 但我很怕她會好像"家有喜事"既李香琴一樣, 冇得睇電視既時候那樣發爛渣! 這種情形真的很恐怖! 某一晚,租了"金雞"回來, 這齣戲真的拍得很好! 看到結尾的時候! 當尹子強真的連本帶利去還給阿金, 阿金開心到失了控在街上跑, 想找回因為負資產而打劫的曾志偉(忘了他在戲中的名字) 這個時候,一生何求的音樂又響起, 媽媽當然跟著音樂在唱! 這首歌真的那麼深刻? 差不多23歲的我, 到那個時候才會對這首歌有感觸? 如果要我去選擇一首~人生金曲~ 我會比較喜愛聽"每當變幻時" 因為這首歌對我有更大共鳴!

由 Mr.MoliuBing 發佈 @ 2:42 下午 0 則留言

2003/04/25

"菠蘿橙"

某日我?包"菠蘿橙"飲既時候, 突然回憶起有個朋友仔曾經同我講過! 佢話"你知唔知飲菠蘿橙係有兩種味道! 開心既時候飲就會甜! 唔開心既時候飲就會酸!" 聽完既時候我只係點點頭! 然後就轉了話題! 今日我好認真咁飲左一淡! 發覺0的味道係.......酸的!

由 Mr.MoliuBing 發佈 @ 2:41 下午 0 則留言

2003/04/24

達文西七大思考特質!

某日,當我讀報時,看到以下這一篇文章! （ 一 ） 好 奇 ： 對 日 常 生 活 充 滿 好 奇 ， 終 生 學 習 不 懈 怠 。 （ G ） 全 腦 均 衡 思 考 ： 在 科 學 與 藝 術 、 邏 輯 與 想 像 之 間 均 衡 展 ,以 "全 腦" 進行思考。 （ 三 ） 實 證 ： 從 經 驗 中 求 證 知 識 之 真 偽 。 並 會 從 錯 誤 中 學 習 。 （ 四 ） 系 統 思 考 ： 能 夠 了 解 並 欣 賞 萬 事 所 有 的 現 象 是 相 互 關 連 的 。 （ 五 ） 感 官 經 驗 ： 精 煉 感 官 的 能 力 ， 特 別 是 視 覺 能 力 ， 以 追 求 生 動 的 經 驗 。 （ 六 ） 包 容 及 克 服 不 安 ： 願 意 包 容 曖 昧 、 弔 詭 及 不 確 定 。 （ 七 ） 儀 態 ： 培 養 優 雅 大 方 的 舉 止 、 靈 巧 的 雙 手 及 健 美 的 體 格 。 以上七點都是達文西認為可在生活上領悟及學習回來! 只可惜.....我做不到!

由 Mr.MoliuBing 發佈 @ 2:40 下午 0 則留言

老細!!

我唔係故意架! 原諒我啦! 我已經耗盡我既念力去控制自己! 但係周公一calling我, 我就不由自主咁聽哂佢話! 你比多次機會我啦! 我以後會?少0的架啦!

由 Mr.MoliuBing 發佈 @ 2:39 下午 0 則留言

2003/04/23

兩年前的一段話!

"曾經有一個好朋友............ 他在我迷失既時候指導我. 他在我失敗既時候支持我. 他教曉我唔好發朋友脾氣. 他教曉我點樣去尊重家人. 無論是快樂,不快樂的事 我們曾經分享過很多. 我也曾經認為....他是我這一生中最好的朋友. 但是.....為何大家都付出了這麼多去信任對方的同時. 卻發生這種事!! 可能是上天的決定! 也可能是時候考驗我能否真的去獨立了! 無論你現在變成怎樣,我也在祝福你! 師父都能夠做到,希望他也努力. 如果有一天我們再能可以在天台上談天說地! 我再沒有遺憾了!" 還記得在你消失後的那段日子! 我以為我們沒有機會再碰面! 所以我在icq的info.寫了一段話! 希望你會收到! 兩年冇見啦! 你依然咁衰格! 講野依然咁刻薄! 卻一樣帶給我很多快樂! 不過,人情還人情! 你欠我的一樣要還! 知道嗎?肥仔!

由 Mr.MoliuBing 發佈 @ 2:39 下午 0 則留言

2003/04/22

給我最熟悉的陌生人!

收到你給我的一點點意見! 很感激! 就好像吃了一大舊Happy Wasabi,將大量快樂直上腦部! 開心不是因為那幾個簡單文字, 而是你的回應! 一個信息,一個通電, 那種欲拒還迎的感覺! 都是我依然期待著!

由 Mr.MoliuBing 發佈 @ 2:37 下午 0 則留言

荷包漏水呀!!

原本打算今日放假, 就諗住一早?娘親送完貨! 然後同Benny去清水灣游水! 可惜出門口時突然陰天又返風! 咁咪取消囉! 只不過當時,人又到齊! 又冇可能取消而返屋企架! 岩岩好四個人既我見游唔成水咪游乾水囉! 唉!!!!!!! 點知呢個完全係一個壞主意! (又係我同Benny輸) (又係我老豆同師父贏) 我諗睇過我打牌既人都知我屎啦! 真係要搵個高人指點下! 另外我發覺呢排我爸媽開始溶入左我朋友既圈子! 我諗係自從上次因為唔開心 Benny同我爸就陪我去台灣走走,散散心!(真係唔話得!多謝你!) 係呢次旅行?面! 老豆帶比我好大驚喜! 自此之後我地就經常一齊食飯! 師父對住我老豆時候,佢0的粗口依然出口成章! 而Benny依然係一笑就會噴哂佢食緊既野出黎囉! 有傾有講真係幾開心! 係0個刻我真正開心既係 佢除左係我老豆之外, 我重好似多左個新朋友. 呢種感覺唔識點去形容! 多謝上天賞賜!

由 Mr.MoliuBing 發佈 @ 2:36 下午 0 則留言

2003/04/21

她真屌!!

我諗熟我既朋友都知道我係華仔super fans, 呢一刻亞洲電視重播緊我心愛既華仔經典之一"天若有情" 我當然唔會錯過啦!(雖然睇過好多好多次) 當時做到一幕係佢同小倩打緊茄倫, 背景音樂係播放住beyond既<未曾後悔> 呢一part真係迷死幾多八十年代既旺青呀! 0係我睇得入神既時候, 宵完夜既阿豬突然跳上梳化!(阿豬係我家一隻唔似寵物既狗) 坐左落個搖控制?我轉台! 點知我一望個電視, 影緊既係就呢排成日set到個頭靚一靚, 日日都化到鬼火靚既陳馮富珍係電視呼籲大家注重衛生! 當時0個種感覺, 真係.............

由 Mr.MoliuBing 發佈 @ 2:35 下午 0 則留言

2003/04/20

無題

一部升降機, 因為超載問題出現! 所有搭客都不滿意而離開! 最後.....它變得孤獨了!

由 Mr.MoliuBing 發佈 @ 2:33 下午 0 則留言

2003/04/19

認真唔錯!!

音樂可以話係我生活佔左大部份! 無論係工作,屋企,娛樂....... 都一定要有聲音經過我耳朵先至安樂! 太靜既環境我真係怕怕! 不過有時就算唔鐘意聽, 習慣左之後就完全可以左耳入右耳出! 好似工作上有時要聽粵曲, 係娛樂上有時某些人唱karaoke咁啦! 嘻嘻^_^........所以阿lu!我唔怕你架! 雖然我係唔識玩任何樂器. 又唔識得咩叫樂理! 但係我真係對音樂呢樣野好熱衷! (絕對唔少過張如城!) 如果我聽歌, 我會比較鐘意聽國語歌! 可能歌詞比較到肉! 同埋聽國語歌既感覺永遠比廣東歌強! 不如推介比各位啦! 游鴻明<花蝴蝶>,小安<浪費愛情> 呢排有兩首sad歌係越聽越有feel! 內容大概係講現代人對愛情既心態! 另外有兩首比較舒情! 張宇<傻瓜與野ㄚ頭>,張智成<凌晨三點鐘> 而呢兩首聽落去好舒服! 冇咁慘既情歌! 另外今日係抗炎清潔日! 希望大家??手! 為所有患者祝福! 齊齊對抗肺炎! 唔係咁樣落去! 香港遲早真係...........仆哂街!

由 Mr.MoliuBing 發佈 @ 2:32 下午 0 則留言

2003/04/18

爽死了!!

一個悠長假期, 本想到外地走走, 可惜遇上一場春瘟!
也令我留在家的日子也多了! 家庭樂的感覺真好!
一家人難得聚在一起, 就算沒有特別事也令人樂透了!
在廳中玩玩紙牌, 聽著悅耳的爵士樂. 喝著在city super買回來的白酒!
然後到媽媽預備好晚餐. 沒有什麼能比得上這種生活!
我們有說不完的話題, 笑聲不停在飯桌的周圍出現, 我很喜歡我爸常常拿我媽來開玩笑!
他們的一言一語令整晚沒有悶場. 就這樣........
我們過了一個愉快的家庭日.

由 Mr.MoliuBing 發佈 @ 2:25 下午 0 則留言