無聊文字: ~報告~

2003/05/31

~報告~

"喂?...麥醫生醫務所!"護士拿起聽筒說, "哈囉,我星期四黎睇過架,我約左麥醫生今日睇報告架!請問出左未呀?我叫謝浩文!" "等等.....你個報告出左啦!你三點半黎啦!麥醫生未返." "好呀!唔該!"雙方便掛了線. 三點半,我準時到達.量好體溫後,等待叫名入房. "啊...謝浩文呀!"他拿著我的報告打量了一會. "冇事喎!真係咩事都冇!完全正常!"他說完,我頓時舒一口氣. "冇事???咁我點解呢排返工無咩精神,又肚屙?"我又有點懷疑的問. "你自己睇下,糖尿病你冇,肝炎你冇,呢度寫你個肝好正常!三個Test都ok,呢個mark佢地hightlight左,係因為你過左個standard,即係比其他人高,但係都正常!放心啦!Check左你都唔係急性肝炎!" "我諗你係腸胃炎,上次o的藥食哂未呀?開多兩日比你啦!" "好呀!唔該你喎!"飄飄然的我說完,便走了. 這件事,前前後後困擾了我好幾天,終於平安無事! 開始時還不敢和朋友說太多,怕朋友替我擔心. 現在既然沒有事,意思即是我不用戒酒啦!好野! 在此多謝麥廣亮醫生,你態度認真,完全醫者父母心,抵錫!