無聊文字: 這個人有沒有錯？

2007/11/25

這個人有沒有錯？

「而家做得開唔開心先？」
「同事咪開心囉，不過個阿頭好Q煩。」
「個肥仔做妳阿頭唔好咩？」
「妖～佢成日懶緊張咁，又鍾意搞爛gag，但又要迫人笑。」
「咁另外嗰個史提芬呢？」
「史提芬？」
「幾靚仔嗰個呢～」
「佢呀，好多人都搞過架。」
「搞過？」
「係呀，公司裡面好多人都知佢啲嘢。」
「咁搞過即係咩意思啊？」
「總之搞過啦～」
「吓？佢搞過妳呀？」
「你講咩啊？」
「唔係～只不過想知係咩一回事啫。」
「總之佢個個都啱架啦。」
「意思即係全部都食哂？」
「咁又唔係。」
「咁即係點？」
「佢個個都撩架。」
「咁即係唔係搞，係撩啦？」
「係啩！」
「撩同搞差好遠噃。」
「咁係呀嘛！」
「咁佢係點撩法呀？」
「哎呀～總之佢對個個女仔都好似好關心咁囉。」
「咁佢撩人係低級嗰種，定係中級嗰種呢？」
「即係點呀？」
「嗯～即係淫而不樂，定係樂而不淫呀？」
「咁佢都算係中級嗰種嘅……」
「咁佢即係唔係咩人都搞過啦！」
「……」

有些人習慣從言語上得到的快慰，但一切只能口惠而實不至，這個人有沒有錯？

對有些人為怕相對無言，碰面時不妨問候一下，又或是隨便找個話匣子，這樣算是關心別人，又還是別人眼中的“口花花”？

若是根據彭浩翔在黃昏動物員裡提到的“牛丸的平等理論”，這個人有沒有錯？

文中大概提到牛丸這個女孩大受身邊的男孩子歡迎，因為她對身邊任何一個男孩子都是同等地熱誠。因為她認為自己只是努力務求對每個男孩子也是平等。

可惜得到的回應是，所有女孩都認為牛丸太花心和隨便，而她所謂的平等，只是打破人為的不平等以後，而忽略天生差異的假平等。

牛丸這樣的行為，要是嚴重一點來說，更是「如果不管人們的個別特質，而把他們刻意抑壓和提升，強求一律的平等，那必然會影響人類社會的進步。世界沒有進步，人類便要退步。」

從工作上也接觸過這個被評為「好多人都搞過」的史提芬，雖不熟，但男人之中可算是上等貨色。

或許，每個人都可有自己的見解，但若是未見其人，卻被流言而產生了壞的perception。

心中的等量齊觀，抑或一視同仁，對不同的人來說，一樣的難。