無聊文字: ~志偉與Michael~

2003/06/07

~志偉與Michael~

以上兩位都係我舊同學. 一個平靜既星期六可以遇上呢兩位人兄. 真係好彩到不得了! 1800收工,正想行去荃灣街市等VAN仔. 點知一過左個安全島. 抬頭望去ONE2FREE門口,我見到志偉. 我當時指住佢,但係一句野都講唔出. 三年冇見,以前因為肥仔而認識, 又因為肥仔而再冇聯絡.而家既佢比我一重感覺.就係依然都係咁世界仔.(由其是佢0的口吻) 一見到我就拉我埋一邊,"對"枝煙比我食,仲點埋火!(夠世界啦掛?) 我問佢重係咪撈古惑,佢冇答我,跟住大家九?一倫就散水. 2330,到Michael打比我. 佢真係好野,我服左佢! 佢完全可以若無其事咁問我呢排點,真係奇人! 佢話而家做寬頻好辛苦喎!一個月先休息一日,好慘呀! 大家"鄧"下佢可憐啦! 佢同我講而家佢開工既熱點係荃灣,旺角(莎莎),高登.(各位朋友,小心!) 呢兩個好朋友都話搵日出黎玩喎!唔知大家有冇興趣? 我有個念頭,如果搵日同時約哂佢地兩個出黎,兩個超級世界仔同時蒲頭, 唔知佢地會傾0的咩呢?又會唔會產生0的咩火花呢? 呢一日,我好期待!